29 Mar 2021 Lilatoiak 5.640 € jaso ditu We Are Like Yourentzat

Ia sei mila emakumek —5.640— eman zuten izena Lilatoi lasterketa egiteko, martxoaren 5etik 8ra, urtero bezala, emakumeen berdintasuna eta ahalduntzea erreibindikatzeko; eta diru zenbateko hori bera eman dio erakundeak gure We Are Like You ekimenari, hain zuzen ere, Liberian (Afrika) gaixotasun mentala duten emakumeak errehabilitatzeko eta ahalduntzeko.

2021eko edizio honetan, Covid-19aren pandemiaren ondorioz, lasterketak bestelako formatu bat eduki zuen: korrikalariek 5 kilometro egin zitzaketen munduko edozein lekutan, martxoaren 5etik 8ra edozein unetan, eta euren ibilbidea eta denbora grabatu behar zuten telefono mugikorrean deskargatutako app batean.
Lasterketan izena emateak 4 euroko kostua zuen, eta izena emandako emakume bakoitzeko, antolakuntzak euro bat —“euro solidarioa”—eman dio gure ekimenari.
Eskerrik asko Atletico San Sebastiani eta Laboral Kutxari!